查看相片
亞視喺上星期就熄咗機，究竟佢地嘅藝員去晒邊呢？近排就有網上傳言話，有人幫前亞洲電視男藝人蔡國威入無綫，而蔡國威亦已出入過經理人部門至少兩次。可惜最尾有某揸權女高層嫌佢個樣唔得，已被否決。
90後可能會對蔡國威呢個名有啲陌生，但係提起佢另外一個名，大家就會記得佢，就係「六合彩之子」。佢喺1993年參加《未來偶像爭霸戰》，兩年後報讀亞視訓練班畢業，95年9月1日正式加入亞視。佢一路嘅心願都係希望可以做大騷司儀，好似何守信、林祖輝咁。佢最後亦得償所願，喺《亞姐選舉》、《亞洲先生》、台慶及春晚等都有份做司儀，同時亦證明佢嘅主持功力都唔錯。
查看相片
有網民就好戥佢唔抵，認為蔡國威已經被亞視訓練成為唔錯嘅主持，而且又有豐富經驗，認為無綫應該簽佢。亦有網民反問如果蔡國威個樣唔得嘅話，咁林師傑、崔建邦都唔算靚仔，無理由歧視佢。 有網民就提出其他原因，例如佢之前上唔同節目都數臭佢娘家亞視，搞到TVB卻步。
不過，方丈周圍都係，點估得咁多。見步行步啦！
文章標籤
全站熱搜
留言列表
